Gainontzeko Udal Zerbitzuekin elkarlana

Helburua

Oñatiko Udaleko gainontzeko zerbitzuekin elkarlanean euskararen normalizaziorako jarduerak garatzea.

Ekimenak

Kultura zerbitzuarekin elkarlanean

• Komunikabideak: Herrian euskarazko komunikabide sarea sortu dugu, Kontzejupetik eta Oñati Irratiaren bitartez.
• Zinea euskaraz: Ordutegi komertzialean urtean zeharko aukeraz gain, hilabete oso bateko programazio berezian haurrek pelikulak euskaraz ikusteko aukera dute.

Kirol zerbitzuarekin elkarlanean

• Kirola euskaraz: Deba bailarako gainontzeko herriekin elkarlanean Kirola euskaraz programan hartzen dugu parte. Programa honek hiru helburu nagusi ditu: kirol materiala euskaraz sortzea (urteroko beka bidez), entrenatzaileak prestatzeko euskarazko ikastaroak antolatzea eta kirolean euskararen erabilera zabaltzen jarraitzeko egin beharreko sentsibilizazio lana.

• Oñatiko eskola kirola: Oñatiko eskola kiroleko mahaiarekin elkarlanean eskola kirola euskalduntzeko urratsak ematen gabiltza.

Gaztedia zerbitzuarekin elkarlanean

• Zura: Urtean zehar hainbat ekitaldi eta jarduera antolatzen da gaztedia zerbitzuarekin elkarlanean, azkena Lauaxeta, Lorca etab. biltzen dituen publikaziotxoa.