Euskaltegia
Helbidea
Bidebarrieta, 18
20560 Oņati
Telefonoa: 943782496
Faxa: 943718296
E-maila: euskaltegia@oinati.net
Helburua
Oņatiko helduak euskalduntzea eta alfabetatzea.
Ezaugarriak eta funtzionamendua
Oņatiko Udal Euskaltegiak lokal berriak estreinatu ditu Bidebarrieta kalean 2005 urtean. 365 m2 -ko azalera du, 3 ikasgela, ordenadore gela, administrazio bulegoa, irakasle gela eta bilera gela.
Euskalduntzeko eta alfabetatzeko klaseak ematen dira, besteak beste, ondorengo tituluak lortzeko: HABEk ezarritako 1. eta 2. mailak, EGA eta Hizkuntz Eskakizunak. Halaber, ikastaro bereziak ere ematen zaizkie dendariei, enpresei, eskolei, etorkinei...
Ikasleek euren formazioaren osagarri internet bidezko BOGA programa dute eskuragai euskaltegian bertan.
Eskolak goiz eta arratsaldez ematen dira eta taldeak jasotzen den eskaerari erantzunez antolatzen dira, normalean goizez: 9:30-11:30; arratsaldez: 14:30-16:30 eta 18:00 20:00.
Ikasleek urte osoko matrikula ordaintzen dute; kurtso bukaeran diru horren zati bat berreskuratzeko aukera dute, Udalak bultzatutako beka sistemaren bidez. Horrez gain aurten HABEk euskaltegiko ikasleentzat dirulaguntza partida berri bat jarri du eta horrela matrikularen % 100a bueltan jasotzeko aukera izango dute. Horretarako HABEk jarri dituen 1. eta 2. mailari dagozkion akreditazio azterketak gainditu behar dira (boletinerako konexinua sartu, baldintzak jasotzen dituena).
Bestalde, Euskaltegiaren finantziazioa HABEren eta Udalaren artean burutzen da.
Matrikula epea
Irailaren 1etik 20ra.
Ordutegia
Astelehenetik ostiralera: goiz eta arratsaldez: 09:00 / 20:00.